आज मंसिर १४ गते आइतवार को राशिफल हेर्नुहोस

22 hours ago

♈ मेष (चु, चे, चो, ला, लि, लु, ले, लो, अ)

दीर्घकालीन योजनालाई अघि बढाउन अतिरिक्त लगानीको आवश्यकता पर्ला। अवसर प्राप्त गर्न केही दौडधुप गर्नुपर्ने देखिन्छ। खर्च बढे पनि भविष्यमा फाइदा हुने कामहरुमा ध्यान केन्द्रित हुनेछ। यात्रासम्बन्धी प्रक्रियामा गति आउनेछ। टाढा रहेका साथीहरूसँग आत्मीयता गहिरो बन्नेछ। अड्किएको रकम फिर्ता हुन सक्छ। तत्काल लाभ कम भए पनि मिहिनेतले भविष्यको खर्च घटाउने संकेत छ।

♉ वृष (इ, उ, ए, ओ, बा, बि, बु, बे, बो)

अपेक्षित नतिजाले उत्साह बढाउनेछ। आयआर्जनका नयाँ बाटा खुल्ने समय छ। अघिल्लो कामबाट मनग्य आय प्राप्त हुनेछ। कृषि, पशुपालन वा व्यापारमा विशेष लाभ मिल्नेछ। चल वा अचल सम्पत्तिको उचित उपयोग गर्न सके फाइदा बढ्नेछ। लगनसंगत प्रयासले दिगो कामको जग बसाउने अवसर प्राप्त हुनेछ।

♊ मिथुन (का, कि, कु, घ, ङ, छ, के, को, ह)

कडा परिश्रमले जिम्मेवारीसहितको स्थान पाउन सकिनेछ। विशिष्ट अवसर प्राप्त हुँदा मन प्रसन्न हुनेछ। आफ्नो सीपले धेरैलाई प्रभावित पार्न सकिनेछ। समाजसेवामा लाग्दा हौसला मिल्नेछ। मिहिनेतले उपलब्धिको नयाँ स्रोत पहिल्याउन मद्दत गर्नेछ। नाम, दाम र सम्मान प्राप्त हुने सम्भावना बलियो छ।

♋ कर्कट (हि, हु, हे, हो, डा, डि, डु, डे, डो)

फाइदा सामान्य भए पनि प्रशंसनीय काम सुरु गर्ने सम्भावना छ। धर्मकर्म तथा सामाजिक सेवाप्रति आकर्षण बढ्नेछ। योजना छिटो पूरा हुन सक्छ। सहयोगीहरूको साथले मनोबल बलियो बन्नेछ। व्यापार विस्तारका लागि उचित समय छ। सामाजिक प्रतिष्ठा बढ्नेछ। दिगो काममा जग बस्दै जानेछ र सम्मान पनि बढ्नेछ।

♌ सिंह (मा, मि, मु, मे, मो, टा, टि, टु, टे)

स्वास्थ्यका कारण केही कमजोरी महसुस हुन सक्छ। हतारमा लिएको निर्णयले समस्या निम्त्याउन सक्छ। अध्ययन र व्यापारमा अपेक्षित नतिजा नआउन सक्छ। बाध्यता र परिस्थितिले केही अलमल ल्याउन सक्छ। पहिले रोकिएको काममा दोहोर्याएर प्रयास गर्दा फाइदा मिल्ने संकेत छ। खानेकुरामा सावधानी अपनाउनु उत्तम हुन्छ।

♍ कन्या (टो, प, पि, पु, ष, ण, ठ, पे, पो)

दिन खुसी र रमाइलो रहन सक्छ। प्रियजनसँग भेट वा सम्पर्क हुन सक्छ। मान–सम्मान प्राप्त हुने योग छ। प्रेम र मित्रताको सम्बन्ध मजबुत बन्नेछ। आफन्तबाट सहयोग पाइनेछ। उपहार वा सोखका कारण खर्च बढ्न सक्छ। तर भौतिक चीज–वस्तु जोड्ने राम्रो समय छ। ईर्ष्या गर्नेहरूबाट सावधान रहनु उचित हुन्छ।

♎ तुला (र, रि, रु, रे, रो, ता, ति, तु, ते)

समय व्यवस्थापन नहुँदा केही काममा ढिलाइ हुन सक्छ। परिस्थितिले मन चाहेको काममा अवरोध ल्याउन सक्छ। अरूका लागि धन र सीप खर्चनुपर्न सक्छ। छोटो फाइदा भए पनि उद्देश्य पूरा गर्न समय लाग्न सक्छ। अवसरको खोजीमा सक्रिय हुनुपर्नेछ। पदीय जिम्मेवारी पाउने सम्भावना भने बलियो छ।

♏ वृश्चिक (तो, ना, नि, नु, ने, नो, या, यि, यु)

बुद्धि–विवेक प्रयोग गर्दा लक्ष्य सहजै प्राप्त हुनेछ। आम्दानीका स्रोत पहिल्याउन सकिनेछ। अध्ययन तथा प्रतिस्पर्धामा राम्रो नतिजा आउनेछ। प्रतिष्ठित व्यक्तिबाट सहयोग वा अवसर मिल्ने सम्भावना छ। सेवाग्राही वा सामाजिक कामले सम्मान बढ्नेछ। प्रतीक्षित नतिजा बलियो रहनेछ। सन्तान तथा गुरुजनको सहयोग उपयोगी हुनेछ।

♐ धनु (ये, यो, भ, भि, भु, ध, फा, ढ, भे)

महत्वपूर्ण निर्णयमा दुविधा सताउन सक्छ, त्यसैले हतार नगर्नु राम्रो हुन्छ। अवसर आए पनि चुनौतीसमेत देखापर्नेछ। बुद्धिपूर्वक अघि बढेमा लक्ष्य पहिल्याउन सकिनेछ। मित्र वा प्रभावशाली व्यक्तिबाट सहयोग प्राप्त हुनेछ। पशुधन, जमिन वा लगानीबाट फाइदा मिल्नेछ। नयाँ योजना सुरु गर्न केही समय चाहिन सक्छ।

♑ मकर (भो, ज, जि, खि, खु, खे, खो, गा, गि)

नियमित कामबाट राम्रो फाइदा उठाउन सकिने समय छ। तर हल्ला–कुरा वा अनावश्यक गतिविधिमा लाग्दा समस्या आउन सक्छ। प्रक्रियागत कमीले काम दोहोरिन सक्छ। अरूका लागि धेरै उपयोग भइने भए पनि आफ्नो काममा ध्यान दिनुपर्छ। दीर्घकालीन योजनाले बिस्तारै फाइदा दिन थाल्नेछ। प्रतिस्पर्धी र विरोधीबाट सचेत रहनुहोला।

♒ कुम्भ (गु, गे, गो, सा, सि, सु, से, सो, द)

अवसर भेटिए पनि समयको महत्व नबुझ्दा केही कुरामा पछि परिन सक्छ। अध्ययनलाई पर्याप्त समय दिन कठिन हुन सक्छ। अरूको भर पर्नाले काम अधुरो रहने सम्भावना छ। शुभचिन्तकको मन बुझेर काम गर्दा फाइदा हुनेछ। बाध्यताले खर्च बढ्न सक्छ, त्यसैले खर्चमा संयम अपनाउनु उचित हुन्छ। आलोचना वा टिप्पणी बढ्न सक्छ, बोली–व्यवहारमा ध्यान दिनुहोस्।

♓ मीन (दि, दु, थ, झ, ञ, दे, दो, च, चि)

अवसरसँगै चुनौती पनि देखापर्नेछ। पाहुनाको आगमन वा बाहिरी विचलनले दिन व्यस्त हुन सक्छ। खानपानमा बेवास्ताले स्वास्थ्य प्रभावित हुन सक्छ। परिस्थिति अनुकूल देखिए पनि केही काममा जोखिमको आभास हुन सक्छ। केही वस्तु त्याग्नु पर्ने परिस्थिति आउन सक्छ। रोकिएको काम पूरा गर्न दोहोर्याएर प्रयास गर्नुपर्नेछ।