एनपीएलको दोस्रो संस्करण सोमबारदेखि, पहिलो पटक फ्लड लाइटमा डे-नाइट म्याच

1 day ago

कातिक ३०गते ✍️ होप अनलाईन मिडिया 

नेपाल प्रिमियर लिग (एनपीएल) को दोस्रो संस्करण सोमबारदेखि सुरु हुँदैछ। नेपाल क्रिकेट संघ (क्यान) को आयोजनामा हुन लागेको यस पटकको लिग पहिलो पटक फ्लड लाइटमुनि डे-नाइट म्याचका रूपमा आयोजना गरिँदैछ। पहिलो संस्करणलाई अझ भव्य बनाउने योजना अनुसार यो डे-नाइट म्याच गराइएको हो।
८ फ्रेन्चाइज टोली सहभागी रहेको यस लिगका लागि सबै टोलीले विदेशी खेलाडी अनुबन्ध गरी अभ्यास गरिरहेका छन्।
पुरस्कार राशी पहिलो संस्करणकै कायम राखिएको छ। जसअनुसार:
* विजेता: रु. १ करोड १० लाख (पहिलो संस्करणमा जनकपुर बोल्ट्सले जितेको थियो)।
* उपविजेता: रु. ५१ लाख (सुदूरपश्चिम रोयल्स)।
* तेस्रो स्थान: रु. २५ लाख (कर्णाली याक्स)।
* चौथो स्थान: रु. १५ लाख (चितवन राइनोज)।
एनपीएलको उद्घाटन खेल मङ्सिर १ गते सोमबार साविक विजेता जनकपुर बोल्ट्स र काठमाडौँ गोर्खाज बीच अपराह्न ४ बजेदेखि सुरु हुनेछ। क्रिकेट प्रेमीहरूका लागि यो संस्करण थप रोमान्चक हुने अपेक्षा गरिएको छ।