सडक दुर्घटना मा परि एक जना को ज्यान गयो

1 day ago

मंसिर १३गते ✍️ होप अनलाईन मिडिया

दाङमा भएको एक दुःखद सडक दुर्घटनामा परी एक मोटरसाइकल चालकको मृत्यु भएको छ । जिल्ला प्रहरी कार्यालय दाङका अनुसार, पिकअप भ्यानको ठक्करबाट तुलसीपुर उपमहानगरपालिका–१७, बनकट्टीका २६ वर्षीय केदार केसी को निधन भएको हो ।

दुर्घटना घोराही–तुलसीपुर सडक खण्डअन्तर्गत घोराही उपमहानगरपालिका–१०, नारायणपुरस्थित पशुपति बोर्डिङ स्कुल नजिकै शुक्रबार भएको थियो । तुलसीपुरबाट घोराहीतर्फ जाँदै गरेको लु १ ज ६२५८ नम्बरको पिकअप भ्यानले विपरीत दिशाबाट आइरहेको केसी सवार रा२प ११५६ नम्बरको मोटरसाइकललाई ठक्कर दिएको थियो ।
दुर्घटनामा गम्भीर घाइते भएका केसीको उपचारका क्रममा आज (शनिबार) मृत्यु भएको जिल्ला प्रहरी कार्यालयले पुष्टि गरेको छ ।
जिल्ला प्रहरी कार्यालयका प्रहरी प्रवक्ता एवं प्रहरी नायब उपरीक्षक चक्रबहादुर शाहले जानकारी दिनुभएअनुसार, ठक्कर दिने पिकअप भ्यानका चालकसहित सवारीसाधनलाई प्रहरीले नियन्त्रणमा लिई आवश्यक अनुसन्धान गरिरहेको छ । मृतक केसीको शवलाई हाल राप्ती स्वास्थ्य विज्ञान प्रतिष्ठान, घोराहीमा राखिएको छ ।
यो घटनाले जिल्लाको सडक सुरक्षा र ट्राफिक नियम पालनाको अवस्थामाथि पुनः प्रश्न उठाएको छ ।