२०८२ मंसिर १४, आइतवार

सिन्धुलि मा बस र मोटर साईकल ठोक्कि दा एक जना को मृत्यु एक घाइते

12 hours ago

मंसिर १४गते ✍️ होप अनलाईन मिडिया

 

आईतबार बिहान सिन्धुलीको दुधौली नगरपालिका–२ गागन क्षेत्रमा मदन भण्डारी राजमार्गमा बस र मोटरसाइकल एक–आपसमा ठोक्किँदा एक जनाको मृत्यु भएको छ भने अर्को एक व्यक्ति गम्भीर घाइते भएका छन्। दुर्घटनामा दुधौली–३ का २५ वर्षीय महेश कुमारको ज्यान गएको जिल्ला प्रहरी कार्यालय सिन्धुलीले जनाएको छ। उपचारका क्रममा महेशको निधन भएको बताइएको छ।

प्रहरीका अनुसार पोखराबाट कटारीतर्फ जाँदै गरेको बा ३ ख ७४६२ नम्बरको बस र डकाहाबाट झुगातर्फ आउँदै गरेको ज ८ प ८१६४ नम्बरको मोटरसाइकल बीच गागन क्षेत्रमा ठक्कर भएको हो। दुर्घटनापछि बस चालक घटनास्थलबाट फरार रहेको र उनकाे खोजी प्रक्रिया जारी रहेको प्रहरीले जानकारी दिएको छ।

घाइते हुनेमा कमलामाई नगरपालिका–१४ चन्दनपुरका २५ वर्षीय दिपेश कुमार रहेका छन्। दिपेशलाई गम्भीर चोट लागेकाले दुधौली नगर अस्पताल सिर्थौलीमा उपचार भइरहेको प्रहरी नायब उपरीक्षक सूर्यप्रकाश सुवेदीले जानकारी दिनुभयो। सुवेदीका अनुसार दिपेशको अवस्थाम गम्भीर छ र उपचारमा चिकित्सकको टोली खटिएको छ।

दुर्घटनाको कारणबारे थप अनुसन्धान भइरहेको प्रहरीको भनाइ छ। स्थानीय बासिन्दाले सडकमा तीव्र गतिमा सवारी सञ्चालन र आवश्यक सावधानी पालन नहुनु दुर्घटना बढ्नेमुख्य कारण भएको बताएका छन्। घटनास्थलमा आवश्यक कारबाही र सवारी व्यवस्थापनका काम भइरहेको प्रहरीको भनाइ छ।