यूएईमा भएको हवाई आक्रमणमा एक नेपालीको मृत्यु

7 hours ago

फागुन १७गते ✍️ होप अनलाईन मिडिया
संयुक्त अरब इमिरेट्स (यूएई) मा हालै भएको हवाई आक्रमणमा एक नेपाली नागरिकको ज्यान गएको पुष्टि भएको छ। यूएईस्थित नेपाली दूतावासले घटनामा एक नेपाली नागरिकको मृत्यु भएको जानकारी दिएको हो।

यूएईका लागि नेपाली राजदूत तेज बहादुर क्षेत्री का अनुसार मृत्यु हुने व्यक्तिको पहिचान सार्वजनिक गरिएको छैन। दूतावासले सम्बन्धित निकायसँग समन्वय गरी आवश्यक प्रक्रिया अघि बढाइरहेको जनाएको छ।

यूएईको रक्षा मन्त्रालयले सार्वजनिक गरेको विवरणअनुसार उक्त आक्रमणमा एक नेपालीसहित एक बंगलादेशी र एक पाकिस्तानी नागरिकले ज्यान गुमाएका छन्। आक्रमण दुबई र अबुधाबीस्थित विमानस्थललाई लक्षित गरी ड्रोनमार्फत गरिएको बताइएको छ।

मध्यपूर्व क्षेत्रमा पछिल्लो समय बढ्दो तनावका बीच अमेरिका र इजरायलद्वारा इरानमाथि गरिएको आक्रमणपछि इरानले विभिन्न देशमा रहेका अमेरिकी सैन्य आधारलाई लक्षित गर्दै प्रत्याक्रमण गरिरहेको अन्तर्राष्ट्रिय सञ्चार माध्यमहरूले जनाएका छन्।

घटनापछि यूएईमा सुरक्षा सतर्कता बढाइएको छ भने त्यहाँ रहेका नेपाली नागरिकलाई सुरक्षित रहन दूतावासले अनुरोध गरेको छ।