रामेछाप दुर्घटना :दुई जना को मृत्यु ५घाईते

8 hours ago

फागुन १८गते ✍️ होप अनलाईन मिडिया

रामेछापमा सोमबार दिउँसो भएको सवारी दुर्घटनामा घाइते भएका एक मतदान अधिकृतको उपचारका क्रममा मृत्यु भएको छ। मन्थली अस्पतालमा उपचाररत मतदान अधिकृत डोरप्रसाद घिमिरेको ज्यान गएको अस्पताल स्रोतले जनाएको छ।

घिमिरे रामेछाप नगरपालिका–३ स्थित साँघुटार मतदान केन्द्रअन्तर्गत रुद्राक्षश्वर माध्यमिक विद्यालय ‘ख’ मा खटिएका थिए। निर्वाचन सामग्रीसहित टोली मतदान केन्द्रतर्फ जाँदै गर्दा दुर्घटना भएको थियो।

यसअघि उक्त दुर्घटनामा असई पर्शुराम यादवको घटनास्थलमै मृत्यु भएको पुष्टि भएको थियो। रामेछाप नगरपालिका–२ सिरुबारी क्षेत्रमा मन्थलीबाट कालिकादेवी मावि र देउराली मावि मतदान केन्द्रका लागि निर्वाचन सामग्री बोकेर जाँदै गरेको सवारीसाधन सडकबाट करिब दुई सय मिटर तल खसेको प्रहरीले जनाएको छ।

दुर्घटनामा अन्य ६ जना कर्मचारी घाइते भएका छन्। घाइतेहरूलाई थप उपचारका लागि हेलिकोप्टरमार्फत काठमाडौं ल्याइएको छ। गाडीमा कुल ११ जना सवार रहेकोमा तीन जना भने हाम फालेर ज्यान जोगाउन सफल भएका थिए।

घटनाबारे थप अनुसन्धान भइरहेको सम्बन्धित निकायले जनाएको छ।