असार ९गते मंगलवार को राशिफल

19 hours ago

मेष (Aries) – चु, चे, चो, ला, लि, लु, ले, लो, अ

आजको दिन पराक्रम र उत्साह बढ्नेछ। रोकिएका पुराना कामहरू सुचारु हुन सक्छन्। व्यापार व्यवसायमा राम्रो लाभ मिल्नेछ भने साथीभाइ र सहकर्मीहरूबाट पूर्ण सहयोग प्राप्त हुनेछ। छोटो दूरीको फलदायी यात्राको सम्भावना छ।

वृष (Taurus) – इ, उ, ए, ओ, वा, वि, वु, वे, वो

वाणी र व्यवहारमा संयम राख्नुपर्ने दिन छ। आर्थिक कारोबार गर्दा अलि सतर्क रहनुहोला, धनमाल हराउने वा बढी खर्च हुने योग छ। तर, बौद्धिक काम र अध्ययन-अध्यापनमा भने रुचि बढ्नेछ। परिवारमा सामान्य विवाद हुन सक्छ, शान्त रहनुहोला।

मिथुन (Gemini) – का, कि, कु, घ, ङ, छ, के, को, हा

आजको दिन सुखद् र मनोरञ्जनात्मक रहनेछ। नयाँ कामको प्रस्ताव आउन सक्छ। व्यापार तथा सामाजिक कामबाट मान-प्रतिष्ठा मिल्नेछ। स्वादिष्ट भोजनको आनन्द लिन पाउनुहुनेछ। पारिवारिक सम्बन्ध थप मधुर बन्नेछ।

कर्कट (Cancer) – हि, हु, हे, हो, डा, डि, डु, डे, डो

आज खर्चको मात्रा अलि बढ्न सक्छ। स्वास्थ्यमा सामान्य कमजोरी महसुस हुनाले काममा ढिलासुस्ती हुन सक्छ। वादविवाद र अदालती कामबाट टाढै रहनु उचित हुनेछ। वैदेशिक क्षेत्रसँग सम्बन्धित काममा भने सफलता मिल्न सक्छ।

सिंह (Leo) – मा, मि, मु, मे, मो, टा, टि, टु, टे

आज आम्दानीका नयाँ स्रोतहरू फेला पर्नेछन्। रोकिएको धन फिर्ता आउने राम्रो योग छ। साथीभाइ वा अग्रजहरूको सहयोगले महत्वपूर्ण काम बन्नेछ। उद्योग र व्यापारमा विशेष फाइदा हुनेछ। दिन उत्साहजनक रहनेछ।

कन्या (Virgo) – टो, पा, पि, पु, ष, ण, ठ, पे, पो

कर्मक्षेत्रमा तपाईंको वर्चस्व रहनेछ। नयाँ जिम्मेवारी वा रोजगारीको अवसर मिल्न सक्छ। उच्च अधिकारीहरूसँगको सम्बन्ध राम्रो हुनेछ। समाजमा मान-सम्मान बढ्नेछ भने रोकिएका सरकारी कामहरू आज पूरा हुन सक्छन्।

तुला (Libra) – रा, रि, रु, रे, रो, ता, ति, तु, ते

आज भाग्यले साथ दिनेछ। अध्यात्म र सामाजिक कार्यमा रुचि बढ्नेछ। लामो दूरीको धार्मिक वा सांस्कृतिक यात्राको योग छ। नयाँ योजनाहरू बनाउनका लागि आजको दिन उत्तम छ। व्यवसायमा बिस्तारै सुधार आउनेछ।

वृश्चिक (Scorpio) – तो, ना, नि, नु, ने, नो, या, यि, यु

आज स्वास्थ्यको विशेष ख्याल राख्नुहोला। बाटो काट्दा वा सवारी साधन चलाउँदा सावधानी अपनाउनु आवश्यक छ। कार्यक्षेत्रमा केही चुनौती वा गोपनीयता भङ्ग हुने डर हुन सक्छ। परिबन्दमा परेर खर्च हुने सम्भावना भएकाले सतर्क रहनुहोला।

धनु (Sagittarius) – ये, यो, भा, भि, भु, धा, फा, ढा, भे

दाम्पत्य जीवन र प्रेम सम्बन्धका लागि आजको दिन निकै मधुर रहनेछ। विपरीत लिङ्गी साथीबाट विशेष सहयोग मिल्नेछ। व्यापार-व्यवसायमा साझेदारीबाट राम्रो लाभ हुनेछ। नयाँ वस्त्र वा उपहार प्राप्ति हुन सक्छ। यात्रा फलदायी रहनेछ।

मकर (Capricorn) – भो, जा, जि, जु, जे, जो, ख, खि, खु, खे, खो, गा, गि

आज शत्रुहरू परास्त हुनेछन् र पुराना विवादहरूबाट मुक्ति मिल्नेछ। स्वास्थ्यमा सुधार आउनेछ र शरीरमा नयाँ ऊर्जा भरिनेछ। रोकिएका कामहरू मेहनत गर्दा सहजै सम्पन्न हुनेछन्। मामाघर पक्षबाट सहयोग मिल्न सक्छ।

कुम्भ (Aquarius) – गु, गे, गो, सा, सि, सु, से, सो, दा

आज बौद्धिक र रचनात्मक काममा सफलता मिल्नेछ। विद्यार्थी वर्गका लागि अध्ययनमा प्रगति हुने राम्रो समय छ। सन्तान वा अनुयायीहरूबाट सुखद् समाचार सुन्न पाइनेछ। शेयर बजार वा चिठ्ठाजन्य क्षेत्रमा सोचविचार गरेर मात्र लगानी गर्नुहोला।

मीन (Pisces) – दी, दू, थ, झ, ञ, दे, दो, चा, ची

आज मनमा केही चञ्चलता वा असन्तुष्टि रहन सक्छ। पारिवारिक विषयलाई लिएर मानसिक तनाव बढ्ने सम्भावना छ। भूमि, वाहन वा घरसम्बन्धी कारोबार गर्दा कागजात राम्ररी जाँच्नुहोला। आमाको स्वास्थ्यमा विशेष ध्यान दिनुहोला।