बैशाख ७गते ✍️ होपअनलाईन मिडिया
सरकारले राष्ट्रसेवक कर्मचारीहरूको सुविधालाई ध्यानमा राख्दै तलब वितरण प्रणालीमा ठूलो परिवर्तन गरेको छ। अबदेखि सरकारी कर्मचारीहरूले मासिक नभई अर्धमासिक (पाक्षिक) रूपमा तलबभत्ता प्राप्त गर्ने भएका छन्।
यस्तो छ नयाँ व्यवस्था:
अर्थ मन्त्रालयले महालेखा नियन्त्रक कार्यालयलाई परिपत्र जारी गर्दै महिनाको दुई पटक तलब भुक्तानी गर्ने व्यवस्था मिलाउन निर्देशन दिएको छ। यसअघि महिनाको अन्त्यमा एकै पटक तलब दिइने गरेकोमा अब वैशाख ४ गतेको मन्त्रीस्तरीय निर्णयअनुसार महिनामा दुई पटक पारिश्रमिक उपलब्ध गराइनेछ।मन्त्रालयका अनुसार कर्मचारीहरूको दैनिक आर्थिक गर्जो टार्न र नगद प्रवाह (Cash Flow) व्यवस्थापनमा सहजता ल्याउन यो कदम चालिएको हो। महिनाको बीचमा पनि रकम प्राप्त हुँदा कर्मचारीहरूलाई घरायसी खर्च चलाउन सजिलो हुने सरकारको विश्वास छ।
यस नयाँ व्यवस्थाले तलब वितरण प्रणालीलाई थप व्यवस्थित, पारदर्शी र समयसापेक्ष बनाउने अपेक्षा गरिएको छ। यो निर्णयसँगै देशभरका राष्ट्रसेवक कर्मचारीहरू लाभान्वित हुनेछन्।
Leave a Reply