जेठ ३गते ✍️ होप अनलाईन मिडिया
दुल्लु नगरपालिका का एक वडा सचिवलाई फोनमार्फत धम्की दिएको आरोपमा प्रहरीले एक युवालाई पक्राउ गरेको छ।
जिल्ला प्रहरी परिसर काठमाडौं का अनुसार सुर्खेतको वीरेन्द्रनगर घर भई हाल काठमाडौंको शंखमुल क्षेत्रमा बसोबास गर्दै आएका २२ वर्षीय प्रकाश खड्कालाई नियन्त्रणमा लिई थप अनुसन्धान अघि बढाइएको हो।
प्रहरी स्रोतका अनुसार दुल्लु नगरपालिका–१३ मा कार्यरत वडा सचिव कमल भण्डारीलाई प्रधानमन्त्री तथा मन्त्रिपरिषद्को कार्यालयको नाम जोडेर धम्कीपूर्ण फोन गरिएको अडियो सामाजिक सञ्जालमा व्यापक रूपमा फैलिएको थियो।
घटनापछि प्रधानमन्त्री तथा मन्त्रिपरिषद्को कार्यालय ले विषयलाई गम्भीर रूपमा लिँदै सुरक्षा निकायलाई आवश्यक कानुनी प्रक्रिया अघि बढाउन निर्देशन दिएको बताइएको छ।
प्रहरीले घटनासम्बन्धी डिजिटल प्रमाण संकलन गरी थप अनुसन्धान जारी रहेको जनाएको छ।
Leave a Reply