आस्था राउत लाई अमेरिकाले एयरपोर्ट बाट फर्कायो

4 years ago

मङ्सिर २९गते :गायिका आस्था राउतलाई अमेरिकाले फर्काइदिएको छ।

सांगीतिक कार्यक्रमका लागि अमेरिका उडेकी आस्थालाई अमेरिकाले इमिग्रेसनबाटै फर्काइदिएको हो। भिजिट भिसामा अमेरिका गएकी आस्थालाई इमिग्रेसनले भिजिट भिसामा अमेरिकामा कार्यक्रम गर्न नमिल्ने भन्दै फर्काइदिएको हो। उनलाई पर्फमेन्स भिसा लिएर आउन भनिएको छ।

आस्थाले आफू अमेरिकाबाट फर्कनु टेक्निकल समस्या भएको बताएकी छन्।

उनले भनिन्, ‘ भिजिट भिसामा यस अगाडि म पटकपटक अमेरिका पुगेर कार्यक्रम गरेर फर्किएको हो। अहिले भने भिजिट भिसा हुँदैन, पर्फमेन्स भिसा चाहियो भनेर फर्कायो।’

उनले अमेरिकाको नियम परिवर्तन भएका कारण आफूलाई फर्काइएको हुनसक्ने बताएकी छन्।

इमिग्रेसनले नेपालमा रहेको अमेरिकन दूतावासमा गएर सल्लाह गर्न भनेको थियो। गत डिसेम्बर १२ मा फर्किएकी आस्था अमेरिका दूतावास जान भने भ्याएकी छैनन्।