महोत्तरी को जिल्ला वन को गाडि आगजनि विपि राज मार्ग अवरुद्ध

2 months ago

जेठ १२गते ✍️ होप अनलाईन मिडिया

महोत्तरीको बर्दिबास नगरपालिका–३ कालापानी क्षेत्रमा रहेको बीपी राजमार्ग मा जिल्ला वन कार्यालयको गाडीमा आगजनी भएको छ। जिल्ला वन कार्यालय महोत्तरीका कर्मचारी चढेको बा २ झ २७४९ नम्बरको सवारी साधनलाई स्थानीय प्रदर्शनकारीले आगो लगाएको प्रहरीले जनाएको छ।

वन क्षेत्रभित्र रहेको बस्ती हटाउने विषयमा सूचना टाँस गर्न पुगेका वन कार्यालयका कर्मचारीप्रति स्थानीयवासी आक्रोशित बनेपछि स्थिति तनावपूर्ण भएको थियो। सोमबार साँझदेखि स्थानीयले कर्मचारीलाई नियन्त्रणमा लिएर राजमार्ग अवरुद्ध गर्दै विरोध प्रदर्शन गरेका थिए।

प्रदर्शन उग्र बन्दै गएपछि गाडीमा आगजनी भएको इलाका प्रहरी कार्यालय बर्दिबास ले जनाएको छ। घटनापछि प्रहरीले वन कार्यालयका कर्मचारीलाई सुरक्षित रूपमा उद्धार गरेको बताइएको छ।

स्थानीयवासीको विरोध प्रदर्शनका कारण बीपी राजमार्ग अझै अवरुद्ध रहेको र यातायात सञ्चालन प्रभावित बनेको स्थानीय स्रोतले जनाएको छ।