शंखमुल फिडर क्षेत्रमा आज केही समय विद्युत् सेवा अवरुद्ध हुने

4 weeks ago

जेठ ८गते ✍️ होप अनलाईन मिडिया

नेपाल विद्युत् प्राधिकरण ले काठमाडौँ महानगरपालिका अन्तर्गत शंखमुल फिडर क्षेत्रमा आज केही समय विद्युत् सेवा अवरुद्ध हुने जानकारी दिएको छ ।

प्राधिकरणका अनुसार दोभान पुल, श्रीनगर मार्ग, बागमती बुद्ध विहार आसपास, शंखमुल पुल क्षेत्र, रोजबड स्कूल वरपर, भृगु मार्ग तथा रुद्रमति मार्ग क्षेत्रमा बिहान ११ बजेदेखि दिउँसो ४ बजेसम्म विद्युत् आपूर्ति बन्द रहनेछ ।

विद्युत् वितरण प्रणालीलाई भूमिगत बनाउने कार्य जारी रहेकाले सेवा केही घण्टाका लागि रोक्नुपर्ने अवस्था आएको प्राधिकरणले जनाएको छ । काम तोकिएको समयअघि सम्पन्न भएमा विद्युत् सेवा तत्काल पुनः सञ्चालन गरिने पनि सूचनामा उल्लेख छ ।

यस्तै, मौसम प्रतिकूल भएमा मर्मत तथा निर्माण कार्यको समय तालिकामा परिवर्तन हुन सक्ने जनाइएको छ ।